Latgale.LV
 
LV EN RU
Ceturtdiena, 2018. gada 21. jūnijs
 


Saziņai:

Latgales Reģiona Attīstības Aģentūra:
- Daugavpils, Saules iela 15, LV-5401, tālrunis/fakss: 65420257
E-pasts: lraa@latgale.lv
Skatīt visus LRAA kontaktus
Ziņas
Dīnys nūmetne pusaudžim “Sūpluok”
24.05.2018, Kultūra
Latgalīšu kulturys bīdreiba (LKB) ir pīsadalejuse daudzu kulturys pasuokumu reikuošonā, tymā skaitā četru pasauļa latgalīšu saītu organiziešonā, atbaļstejuse školuotuoju vosorys kursu-nūmetnis “Vosoruošona” nūrisi, pīsadolūt kai lektori voi pasuokumu dalinīki. Latvejis vaļsts symtgadis godā LKB grib radeit jaunu tradiceju – bārnu i pusaudžu nūmetņu reikuošonā. Sūpluok ar nūmetnis dalinīkim izdzeivojūt latviski latgaliskuos vierteibys, styprynūt teritorialuos i nacionaluos pīdereibys apziņu.
Nūmetne nūtiks nu 6. leidz 17. augustam (dorba dīnuos nu 8.30–16.30) Rēzeknis Tehnologeju akademijis (RTA) telpuos. Nūmetnis vadeituoja – Lolita Kivleniece-Kuzņecova, nūmetnis nūdarbeibys nūdrūšynuos muzykanti: Ēriks Zeps i Sovvaļnīks, literāte i dramys terapeite Līga Rundāne, literate i TV žurnāliste Evika Muizniece (Karonhisake), fotografs i dizaina speciālists Māris Justs, latgaliskūs izdavumu i pasuokumu veiduotuoja Ilga Šuplinska.
Nūmetnē teik gaideiti 30 aktivi pusaudži (10–14 godi), kam “acs dag” pošam radeit muzyku voi literau tekstu, paraudzeit spēlēt kaidu muzykys instrumentu voi izgleituojūšu datorspēli, pošam izdūmuot ari spēli voi puorsoku. Atsapyust kuoju prīcys voi folkzumbys nūdarbeibā, dazynuot vaira par latgalīšu vierteibom i symbolim, veiduot sovu imidžu.
Nūmetnē byus vareiba runuot i dūmuot latgaliski i sevkurā cytā volūdā, kurā izateikt ārtuok i radūšuok, byus divi pasuokumi, iz kurim aicynuosim daleibai ari cytus školānus: 11. augustā latgaliskuo Večerynka i 17. augustā animacejis filmu/-ys “Muna Latveja” prezentaceju. Nui, raudzeisim saprast, kas vajadzeigs, kab kina byutu. Byusim prīceigi, ka bārnu vacuoki atbaļsteis atsevišķus pasuokumus i pīsadaleis kaidā nu publiskajim pasuokumi voi vysmoz nūmetnis nūslāgumā ar latgaliskūs tradiceju improvizacejom Nakts stygā.
Ka gribi īsasaisteit, tod leidz 1. juņam aizpildi anketu pusaudžu nūmetnis “Sūpluok” FB lopā. Esi vireigs: ir nūmetnis leidzmoksuojums.
Nūmetni organizej LKB sadarbeibā ar RTA, nūmetni finansiali atbolsta RTA i Latgolys kulturys programys projekts “Dienas nometne pusaudžiem “Sūpluok””.
Projekta vadeituoja Ilga Šuplinska
Lasītāju komentāri
Sadarbības partneri



Projektu "Latgales interaktīvais komunikāciju portāls" finansēja Phare CBC 2002 programma.

Latgales plānošanas reģions
Latgales reģiona attīstības aģentūra
Izstrādātājs - SIA "Info"