Latgale.LV
 
Pyrmūdīne, 2017. gods 26. juņs
LATGALĪŠU  KULTURYS  GAZETA
Lopys veiduotuoju kontakti:
lakuga@latgale.lv
26393531
Projektu "Latgalīšu kulturys gazeta (LaKuGa.LV)" atbolsta:
Nūtikšonys
3. storptautyskuo latgalistikys konfereņce (papyldynuota ar programu)
21.10.2010 - 22.10.2010, Ernsta-Morica-Arndta Greifsvaļdis universitate (Vuoceja)
„VOLŪDU EKOLOGEJA BAĻTEJIS JIURYS REGIONĀ: REGIONALUOS VOLŪDYS GLOBALIZACEJIS LAIKŪS“ Konfereņce veļteita Fraņča Kempa kulturviesturiskuos skicis ,,Latgalieši“ symts godim. Gruomotys moto: "Pusmiljona tauta ir tikpat dzīves spējīga kā arī miljons".
Konfereņcis dorba volūdys — latgalīšu, latvīšu, vuocu, angļu, krīvu. Konfereņcei nav daleibys moksys. Finaņsialais pabolsts nu DAAD (Deutscher Akademischer Austausch Dienst)
Kas ir latgalīšu volūda i kas — cytys regionaluos volūdys Baļtejis jiurys regiona vaļstīs?
Latgolys regionā latgalīšu volūdai ir lela kulturviesturiskuo, taipat kasdīnys sasazy­nuošonys leidzekļa lūma. Latgolā dzeivojušī soka, ka jūs regionā latgalīšu volūda jim ir golvonuo, volūdnīki pīzeist, ka tī jei faktiski pylda regionaluos volūdys funkcejis, koč oficiali taids statuss latgalīšu volūdai da šam nav pīzeits. Jau nu 18. g. s. vyds var runuot par divejom latvīšu rokstu voi literarajom tradicejom, divejom rokstu voi literarajom volūdom. Cikom volūdnīki sprīž, kaidu statusu volūdai pīškiert, Latgolys pusē cylvāki runoj i roksta kai seņuok. Muotis volūdā.
2008. goda septembrī Sanktpīterburgā nūtyka 1. storptautyskuo latgalistikys konfe­reņce (,,Ontona Skryndys latgalīšu gramatikai 100“), īdybynojūt latgalistikys konfereņču tradiceju.
2. konfereņcē, kas nūtyka Rēzeknē 2009. goda oktobrī (,,Centrs i perifereja: perspek­tivu maiņa“), tyka aktualizāta centra i periferejis izpratne mozuok lītuotajuos i regi­onalajuos volūduos, folklorā, literaturā, ar tū saisteitī procesi sabīdreibā, izgleiteibā, politikā: regiona­lisms, lokalais i globalais, decentralizaceja, ideņtitate, multikulturalisms.
Styprynuodami suoktū tradiceju, nūtiks 3. latgalistikys konfereņce 2010. goda 21.–22. oktobrī Baļtejis jiurys krostā, Vuocejis zīmeļaustrumūs — Greifs­vaļdis universitatis Baltistikys nūdaļā. Greifsvaļdis universitate ir vīneiguo universitate Vuocejā, kas realizej baltu filologejis studeju programys kai bakalaura, tai magistra leidzīnī. Konfereņcē pīsavērssim na tik latgalīšu volūdai — akademiskajā tikšonuos laipni praseiti pīsadaleit i zynuotnīki, kurī pietej Baļtejis jiurys regiona cytys mozuos volūdys.
Konfereņcē dūmuots aktualizēt storpdisciplinarus vaicuojumus itaidūs aspektūs:
— regionalūs volūdu sakari ar regiona socialpolitiskū, ekonomiskū i kulturys vidi;
— regionalūs volūdu i kulturu atteisteiba diahroniskā redzīnī;
— regionalūs volūdu atteisteibys īspiejis kūpejā volūdu ekosistemā globalizacejis laikūs (sūpluok cytom volūdom — nacionalajom i storptautyskajom);
— aktuali vaicuojumi latgalīšu i cytu mozūs volūdu planuošonā (kai statusa, tai korpusa), saglobuošonā i atteisteibā.
Konfereņcē laipni praseiti pīsadaleit volūdnīceibys, literaturzynuotnis, folkloristikys, viesturis, sociologejis, politikys, ekonomikys i cytu ar konfereņcis tematim saisteitu zynuotņu nūzaru specialisti i cyti interesenti.
Deļ vairuok informacejis — sasazynuot ar konfereņcis koordinatori: Dr. Sanita Lazdiņa
Baltistik, Institut für Fremdsprachliche Philologien
Domstraße 9/10, 17489 Greifswald, Vuoceja
sanita.lazdina@uni-greifswald.de, telefons: + 49 176 78770951
Skaiteituoju komentari [ 18 ]
Īvodit attālā radzamū kodu
© 2007 Latgolys Studentu centrs
Izstruoduoja - SIA "Info"